Степанов Вениамин Григорьевич родился 1 февраля 1932 года в деревне Сеп Зуринского района в удмуртской крестьянской семье. После окончания в 1946 году семилетки в Сепской неполной средней школе до 1949 года он трудился в колхозе «Сеп» (д. Сеп) рядовым прицепщиком, учетчиком. В 1949 году поступает в Парзинскую школу полеводов и через год, успешно окончив, возвращается в колхоз, работает заведующим сельским клубом, затем агротехником в колхозе «Юбилейный» (д.Верх-Палым). В 1952-1955 годы Вениамин Григорьевич учится в сельхозтехникуме, после окончания которого назначается агрономом в родную деревню Сеп (колхоз им. Сталина). Молодого специалиста, инициативного, добросовестного, ответственного выбирают секретарем комсомольской организации колхоза. За три года колхозная комсомольская организация окрепла и выросла с 23 до 92 человек. За успехи в общественной работе Вениамин Григорьевич был избран делегатом Всемирного форума молодежи и студентов, который проходил в Москве в 1957 году.
В 1959 году односельчане избирают В.Г.Степанова председателем колхоза «Родина».
Решения, которые проводил в жизнь молодой председатель, способствовали экономическому развитию хозяйства. Для молодежи были построены клубы, стадион, обустраивалась центральная усадьба колхоза. Жители начали строить дома в кирпичном исполнении.
В 1971 году В.Г. Степанова избирают председателем исполкома Игринского районного Совета депутатов, где он трудится до 1983 года. Вениамин Григорьевич постоянно повышал свой профессиональный уровень, в 1977 году закончил агрономический факультет Ижевского сельскохозяйственного института. Свои знания и опыт он вкладывает в развитие сельского хозяйства, лесной и нефтяной промышленности. В эти годы интенсивно ведется строительство объектов соцкультбыта.
С 1983 по 1990 годы работал агрономом в колхозах «Россия», «Ленин сюрес», председателем колхоза им. Калинина, начальником сельхозцеха Игринской нефтегазоразведочной экспедиции. С апреля 1990 года и до выхода на заслуженный отдых трудился главным агрономом в управлении по продовольствию и закупкам сельскохозяйственной продукции.
В.Г. Степанов всегда активно участвовал в общественной жизни. С 1957 года неоднократно избирался депутатом Советов различных уровней, депутатом Верховного Совета УАССР-трижды.
Его труд во благо людей оценен высокими государственными наградами: орденами Трудового Красного Знамени, «Знак Почета», медалями «За доблестный труд. В ознаменовании 100-летия со дня рождения В.И. Ленина», «За трудовую доблесть», «Ветеран труда», Почетными грамотами Президиума Верховного Совета РСФСР, Президиума Верховного Совета УАССР, райкома КПСС и исполкома райсовета. В.Г. Степанов занесен в Книгу почета ассоциации «Удмурт кенеш».
В 2003 году за большой вклад в социально-экономическое развитие района, за особые заслуги в общественной деятельности и заслуги перед жителями района Вениамину Григорьевичу Степанову присвоено звание «Почетный гражданин Игринского района». | 1 феврале 1932 арын вордӥськиз ёросмылэн Дано муртэз Вениамин Григорьевич Степанов. Сое ёросамы улӥсьёс тодо визьмо, быгатӥсь, чупрес, мыло-кыдо, гажамон, адзём карымон дано кивалтӥсь вал шуыса.
Вань улон сюресэз В.Г. Степановлэн герӟаськемын вордӥськем палъёсыныз, Игра ёросэн. Вордскиз Зура ёросысь Сеп гуртын, удмурт крестьян семьяын. Бубиз Григорий Алексеевич ужалляз колхоз председательын. Пичи Веня но туж яратылӥз музъем ужез. 1946 арын Сепын сӥзьым классэз быдтыса, колхозын рядовойын, прицепщикын, учётчикын ужаз. Но пияшлэн дышетскемез потэ вал. 1949 арын мылкыд каремезъя Парзиысь полеводъёсты дышетонъя школае пыре. Сое усто йылпумъяса нош ик вордӥськем гуртаз берытске. Но ужаны кариське клубе, нырысьсэ кивалтон ужен выре. Собере гинэ Вениамин Григорьевич вуэ ни сюлэмыз куриськись удысэ. Верх-Палым гуртын «Юбилейной» колхозын агротехник луэ. Нош ик азьланьтэ дышетсконзэ. 1955 арын сельхозтехникумез быдтэ но сое Сталин колхозэ агрономе пукто.
Егит, котьмае тодыны-валаны тыршись, сётэм кылзе быдэсъясь, мыло-кыдо агрономез егитъёс комсомол организациен кивалтыны быръё. Уртчись мылкыдыныз со егитъёсты пӧртэм общественной ужъёсы капчиен ӝутъяны быгатъяз. Егит нылъёс но пиос туж шулдыр улӥзы. Асьсэлы стадион лэсьтӥзы, футболэн шудӥзы, хоре ветлӥзы. Чорыг вордыны Михайловкае, Верх-Палыме, Лудошуре, Сепе тыметъёс ӵыпизы. Вениамин Григорьевич та оргнизациен кивалтыны кутскыку отын 23 комсомолец гинэ лыдъяське вылэм, вакчи дыр куспын лыдыз 92-озь йылэм. Егитъёслэсь общественной ужъёсын азинсконъёссэс пусйыса, соослэсь азьветлӥсьсэс 1957 арын Удмуртиысь делегатъёсын чош Москвае Егитъёслэн но студентъёслэн всемирной форумазы ысъязы.
1959 арын кызь сизьым аресъем агрономлы, комсомольской секретарьлы ӵош ужасьёсыз колхозэн кивалтыны оскизы. Вал паймемъёсыз но, ма кызьы, пе, футболист собыдӟа колхозын председатель луоз. Туж егит на ук со. Кивалтыны дышемез но, ужамез но ожыт ай. Но егит специалист ӧз курда. Нырысь нуналъёсысен ик выль уж борды сюлмысь кутскиз. Ар ортчыса хозяйство бадӟыма, Сталин нимо колхозэз мукетыныз огазеяло. Табере отчы 11 гурт пыриз. Нош 1961 арын колхозлы «Родина» выль ним сёто. Витьтонэтӥ аръёсы хозяйство лябыт ужаз: ю тысь гектарлы 4-5 центнер гинэ усьылӥз, йол котькуд скаллэсь шоро-куспын 1983 кг кыскылӥзы, ыжлы быдэ 1,3 кг ыж гон ӵышкылӥзы, куреглы быдэ 75 курег пуз басьтылӥзы. Ужасьёссы 400 адями пала вал.
Вениамин Степановлэн быгатыса кивалтэмезлэн емышез нырысетӥ аръёсаз ик шӧдӥськиз. 1962 арын 8,8 центнер ю тысь октӥллям ни (районъя 8,1 ц), ужасьёслэн но лыдзы 600 палаозь йылэм. Колхоз арысь аре вылӥе ӝутскиз. Архивын утиськись колхозлэн 1971 арлы отчётысьтыз лыдпусъёсъя ю-нянь 13 центнер октӥллям ни (районъя – 10,1 ц), ыж гон – ыжлы 2,8 кг, котькуд скаллэсь 2269 кг йӧл кыскемын, куреглы быдэ 139 курег пуз басьтэмын.
Егит председатель бадӟым саклык висъялляз калыклэсь улонзэ умоятонлы. Гуртъёсын клубъёс усьтӥськизы-вальдӥськизы, ужасьёс корка пуктылыны кутскизы…
1971 арын В.Г. Степановез Игра районысь депутатъёслэн Советсылэн исполкоменыз кивалтыны быръё. Исполкомын председатель луыса Вениамин Григорьевич ужаз 1983 арозь. Со вакытэ ик Ижевскысь сельскохозяйственной институтлэсь агрономияя факультетсэ йылпумъя. Отын басьтэм тодон-валанэз уката юрттэ районэн кивалтыны.
Отӥяз Степанов агрономын ужа «Россиын», «Ленин сюресын», кивалтэ Калинин нимо колхозэн, нефтеразведкалэн сельхозцехеныз. 1990 арысен пенсие потытозяз тырше ёросысь гурт хозяйствоя управлениын валтӥсь агроном луыса. Солэсь котькуд удысын адӟем карымон ужамзэ возьмато наградаосыз но, соос пӧлын: «Трудовой Горд Знамя» но Знак Почёта орденъёсыз, «За доблестный труд. В ознаменовании 100-летия со дня рождения В.И. Ленина», «За трудовую доблесть», «Ужысь ветеран» медальёсыз, Россия Федерациысь Верховной Советлэн Президиумезлэн но Удмурт Республикаысь Верховной Советлэн Президиумезлэн грамотаоссы. Озьы ик солэн нимыз пыртэмын «Удмурт кенеш» ассоциацилэн Данъян книгаяз.
Вениамин Григорьевич котьку выйылӥз общественной уж пӧлы. 1957 арысен кутскыса трос пол бырйылэмын пӧртэм уровенен советъёсы депутатэ. Ёросмылэн социально-экономической азинсконаз бадӟым юрттэт сётэмез, общественной уже мылысь-кыдысь пыриськемез понна 2003 арын В.Г. Степановлы «Игра ёрослэн дано муртэз» ним сётэмын.
Ёрос архивами солы сизьыса нимаз фонд усьтэмын. Отын люкамын дано муртмылэсь улон сюрессэ возьматӥсь документъёс, фотографиос. |
